amalinks wokungena

Breaking News

Umongameli Mugabe Udanisa AbeMDC Ekhokhelwa NguNcube


Umongameli Robert Mugabe uthi ufuna ukuqala akhulumisane lenhloko kahulumende uMnumzana Morgan Tsvangirai ongumkhokheli welinye lamacele eMDC, ngodaba lokuthi uMnumzana Arthur Mutambara asuke esikhundleni somsekeli wenhloko kahulumende kungene uMnumzana Welshman Ncube osekhokhela elinye icele leMDC.

Lokhu kuphume emhlanganweni phakathi kukaNcube loMugabe obikwa udonse okwesikhathi eside. UMugabe ubikwa ethembise uNcube ukuthi uzabuya lempendulo phakathi kwensuku eziyisikhombisa.

UNcube ufuna ukuthi uMugabe amgcobe esikhundleni sokuba ngumsekeli wenhloko kahulumende ngemva kokukhethwa kwakhe ukukhokhela iMDC.

Kodwa obekhokhela lelibandla uMutambara izolo uphume egcekeni wathi kasuki esikhundleni sokuba ngumsekeli wenhloko kahulumende, osokudalele uNcube lebandla lakhe udubo olukhulu.

UBrenda Moyo weStudio 7 uxoxe loMnumzana Nhlanha Dube isikhulumeli seMDC ochasisa ngomhlangano wanamhlanje lokuthi ibandla lakhe selizaqhubekela phambili njani ngaloludaba.

Kunjalo nje ingcwethi ecubungula ezombusazwe uMnumzana George Mkhwananzi uthi uMutambara walela esikhundleni nje ngoba etshotshozelwa ngabanye abakhuluma ulimi lwakhe abakuhulumende womanyano.

‚Äč
XS
SM
MD
LG