amalinks wokungena

Breaking News

UMongameli Mnangagwa Ukhulula Izibotshwa Eziyinkulungwane Ezintathu Ezibalisa Amasela Enkomo


Izibotshwa ejele le Zimbabwe.

NgoLwesine izibotshwa eziyinkulungwane ezintathu, i3 000 zizakhululwa nguMongameli Emmerson Mnangagwa kulandela isizekelo sombuso esimupha amandla la nxa kuyikuthi izibotshwa sezigcwele kakhulu emajele.

Kodwa izizatho zokukhulula lezi zibotshwa zitshiye abanye bezibuza ukuthi abakhululisweyo laba bafanele na ukuya emphakathini?

Abesifazane bonke ngaphandle kwabagwetshelwa ukulengiswa bazakhululwa abagoqela abebandla leMDC-T ababesetheswa icala lokubulula ipholisa.

Abaleminyaka ephezu kwamatshumi ayisithupha labo bazakuya emakhaya kunye labalemimyaka engaphansi kwetshumi lasitshiya gololunye.

Ezinye izibotshwa ezizakhululwa ngezagwetshelwa ukutshontsha izifuyo laba dlwengula abesifazane. Asebabotshwa kanengi nengi labake baxolelwa kabasoze bakhululwe.

Abanye ngabathi kanti vele abagwetshelwa ukutshontsha izifuyo bazaxolelwa njani.

Omunye walaba nguMnu. Zenzele Ndebele othi walahlekwa ngamathole amabili nyakenye. Sixoxe locubungula ezombusazwe, uMnu. Thamsanqa Zhou ukuze sizwe imbono yakhe.

“Kukabili lapha; okwakuqala okumele sikunanzelele yikuthi lowu ongumangameli kwasala kancinyane ukuthi alengiswe ngenza yalokho okwakusenzakala ngaleso sikhathi. Ubevele ethembisile ukuthi ukugwetshelwa ugodo ubezakhangelana lakho,” kutsho uZhou.

please wait

No media source currently available

0:00 0:03:22 0:00

Facebook Forum

XS
SM
MD
LG