amalinks wokungena

Breaking News

Umongameli Masisi weBotswana Ududuza eleZimbabwe Kulandela Ukutshona kukaMugabe


Umongameli Mokgweetsi Masisi

Umongameli Mokgweetsi Masisi wakwele Botswana wethule amazwi akhe enduduzo phezu kokutshona kowayengumongameli weZimbabwe, uMnumzana Robert Mugabe, ngokuloba amazwi akhe ebhukwini lenduduzo ehofisini yommeli weZimbabwe kweleBotswana, ngoLwesine.

Umongameli Mokgweetsi Masisi wakwele Botswana wethule amazwi akhe enduduzo phezu kokutshona kowayengumongameli weZimbabwe, uMnumzana Robert Mugabe, ngokuloba amazwi akhe ebhukwini lenduduzo ehofisini yommeli weZimbabwe kweleBotswana, ngoLwesine.

Umongameli Masisi ulobe amazwi akhe awenduduzo kubhuku elivulwe ngoMvulo, ukuze abantu bakhale kanye lemuli yeZimbabwe.

UMasisi uchaze umuyi uMnumzana Robert Mugabe njengomuntu owachitha isikhathi eside elwela inkululeko yabantu beZimbabwe. Uthi kunengi okuhlanganisa eleBotswana kanye leleZimbabwe.

"Sikhala labo. Sikhala labo ngokulahlekelwa ababhekane lakho. Sijabulela impilo asiphe yona, noma nje kwakunzima ngoba isikhathi eside usichithe esempini. Yimpilo ebilempumela, impilo emabalabala. Impilo kamongameli Mugabe," kutsho umongameli Masisi.

Ummeli weZimbabwe kweleBotswana uMnumzana Henry Mukonoweshuro ubonge ukusekelwa ngumongameli Masisi ngalesi isikhathi.

Kodwa abanye abeZimbabwe abahlala kweleBotswana, abafana lo Mnumzana Andreas Sibanda bathi uMugabe watshiya kunambitha okumnandi kanye lokubabayo emlonyeni ngesikhathi sombuso wakhe.

Umongameli Masisi uthi eleBotswana lizathumela iqula eliphezulu, eligoqela umsekeli wakhe, uMnunzana Slumber Tsogwane kanye lowayengumongameli wakuqala weleBotswana, uMnumzana Festus Mogae eZimbabwe ukuyavalelisa umufi.

please wait

No media source currently available

0:00 0:02:11 0:00


Facebook Forum

XS
SM
MD
LG