amalinks wokungena

Breaking News

Umongameli Mnangagwa Utshayela i-Victoria Falls Ihlombe Ngokuhlaba Abantu Abanengi Ijekiseni Yokwenqabela i-COVID 19


Sokuhlatshwe abantu abayisilinganiso sokungamatshumi ayisikhombisa lasikhombisa ekhulwini -77 percent, ijekiseni yokwenqabela ukumemetheka kweCOVID-19, okulizinga eliphezulu ele herd immunity elokulwisana laleligcikwane.

Umongameli Emmerson Mnangagwa namuhla utshayele ihlombe iVictoria Falls ngokwenelisa ukuhlaba ngokupheleleyo abahlali balelidolobho abayisilinganiso sokungamatshumi ayisikhombisa lasikhombisa ekhulwini -77 percent, ijekiseni yokwenqabela ukumemetheka kweCOVID-19, ngoba sebefike kuzinga eliphezulu ele herd immunity elokulwisana laleligcikwane.

Umongameli Emmerson Mnangagwa laye wahlaba ijekiseni yakuqala kulelidolobho, endawonye losodolobho uKhansila Somvelo Dlamini labakhokheli bamabandla ezombusazwe ehlukeneyo, ukuze babe yisibonelo ebantwini ukuthi ngempela ijekiseni le ayilankinga.

Ukhansila Dlamini uthi inengi labantu kulelidolobho eligoqela abasebenza emaweteleni lakumabhizimusi ezethekeli, bahlaba ijekiseni le okungavuselela ezokwethekelelana i Victoria Falls eyaziwa ngakho.

Uthi i herd immunity le izanceda ngoba uhlelo lwe vaccination luselizweni lonke lemhlabeni wonke ngakho abanye abavakatshela leli idolobho bayabe sebemukele lumjovo, okuphathisayo ekwenqabeleni iCOVID 19

please wait

No media source currently available

0:00 0:02:27 0:00


Facebook Forum

XS
SM
MD
LG