Umnu. Tendai Biti umphathintambo wezemali uthi sokumele uMongameli Robert Mugabe ayephumula atshone edlala labazukulu kulokuthi ancintise kukhetho olulandelayo lokudinga umongameli eZimbabwe.
UBiti utshele abenhlanganiso ebona ngokukhuthaza imbuso ekhululekileyo emhlabeni jikelele eye Atlantic Council, eWashington DC ngoLwesine ukuthi kuyamangalisa ukuthi ibandla le Zanu-PF lifuna ukumelwa nguMongameli Mugabe osegugile njalo osokumele ukuthi nga usedlala lezizukulwane kulezinsuku.
Uthe ele Zimbabwe selifuna ukumelwa ngabasakhulayo abalombono ojulileyo ngalokho okumele kwenziwe kwele Zimbabwe.
Uphinde wathi ele Zimbabwe kalisoze lenelise ukwenza ukhetho lonyaka ngenxa yokuthi kunengi okungakenziwa ngamabandla abusayo .
Uphinde wathi uhlelo lokwabela uzulu amashares amankampani emazweni olweIndigenization luqoqwe ngendlela engasoze incede uzulu.
