amalinks wokungena

Breaking News

UMongameli Mugabe Ukhangelelwe Ukuhlangana Lenkokheli Yebutho ngeSonto


UMongameli Mugabe ukhangelelwe ukuhlangana lenkokheli yebutho ngeSonto phambilini komhlangano wedale le Central Committee yebandla le Zanu PF.

Umfundisi Fidelis Mukonori ongumlamlankunzi phakathi kukamongameli Mugabe labakubutho abamhluthunela intambo zombuso utshele umsakazo we ZBC ukuthi lokhu ngokwesibili ukuthi amacele la ahlangane kukhulunyiswana ngokuthi uMongameli Mugabe asuke na esihlalweni.

Abanye abakunkulumo lezi bekucele likaMugabe ngumqondisi wama CIO, uMnu. Aaron Nhepera lesikhulumeli sikaMugabe, uMnu. George Charamba.

Lokhu kwenzkala phambilini komhlangano wedale le Central Committee ye Zanu PF okhangelelwe ukwenziwa namhla kulandle ivoti yezigaba zonke zelizwe eyokuthi abasamfuni ukuthi akhokhele umongameli Mugabe.

Kunjalo nje, uzulu usekhangelele impumela yokutshengisela okukhulu okwenziwe izolo eharare okwenkulungwane lenkulungwane zabantu abathi umongameli mugabe sekumele adedele ozamelama.

Sixoxe lentathelizindaba yethu, uMarvis Gama obesekutshengiseleni lokhu.

"Uzulu yena ubefisa ukuthi ngabe bahle bamkhipha esihlalweni uMugabe kodwa laba abaqoqe lumbuthano bazise uzulu ukuthi sizolazisa, thiyani indlebe," kutsho uGama.

please wait

No media source currently available

0:00 0:05:26 0:00

Ukuhlaziya loludaba sisoxe lomgcinisihlalo webandla le MDC-T ngapha kweleMelika, uMnu. Den Moyo.

please wait

No media source currently available

0:00 0:04:19 0:00

Facebook Forum

XS
SM
MD
LG