UMongameli Robert Mugabe ubikwa esephindele njalo kwele Singapore lapho okulomkakhe uNkosikazi Grace Mugabe obikwa esiwe esibhedlela kulelolizwe ukuze elatshwe amangxeba awathole ebeletha umntanakhe wokucina uChatunga.
UMugabe ubikwa esuke ngoLwesihlanu elubhekise kulelolizwe kodwa akwaziwa ukuthi ulanda umkakhe kumbe laye kezwa kahle emzimbeni njengoba kukhanya ejayele ukuyakwelatshwa amehlo kulelolizwe.
Ingcwethi kwezombusazwe uMnu. Brilliant Mhlanga uthi ukuhamba kuka Mugabe sokusenza ukuthi abanye abakudale lephalamende becabange ukumumisa umsebenzi besebenzisa isisekelo sombuso.
