UMongameli Robert Mugabe udlulisele phambili umkhankaso okade kumele awenze eLupane ngempelasonto ngemva kokuya kwele Singapore ngesiphangiphangi lapho ayekwelatshwa khona.
Kodwa umphathintambo wezemibiko, uMnu. Chris Mushowe, utshele intathelizindaba ukuthi uMugabe uyehlolwa nje kuphela hatshi ukuthi uyagula.
Impilakahle kaMugabe iyimfihlo kodwa ezinye iziphathamandla zatshela abammeli besigodlo seleMelika kunfihlo eyethulwa yinhlanganiso ye Wikileaks ukuthi uMugabe ulesifo semvukuzane. Kodwa uyakulandula lokhu esithi uqine saka.
Lokhu sokutshiye abanye, abafana loNkosazana Rita Ndlovu, umqoqi wenhlelo zebandla le MDC ekhokhelwa nguMnu. Welshman Ncube, abathi lokhu kutshengisa sobala ukuthi sokumele aphumule.
"Lokhu kuyamangalisa kakhulukazi ngoba kutshengisa ukuthi ulesizatho sokuyadinga ukuthi impilo yakhe ingamhluphi esekela abantwana be Zimbabwe bedubeka," kutsho uNdlovu.
