amalinks wokungena

Breaking News

Umongameli Robert Mugabe Uvula Okusemthethweni Umbukiso weZITF Walonyaka


President Robert Mugabe
President Robert Mugabe
Umongameli Robert Mugabe uvule okusemthethweni umbukiso wezokuthengiselana lamabhimusi, owe Zimbabwe International Trade Fair ngoLwesihlanu, njengenjayelo ethuka amazwe angentshonalanga esithi yiwo abangela indubo ezibhekane lelizwe.

U Mugabe uthi eleMelika lizibona ungani lilizwe elilolwazi lombuso okhululekileyo iDemocracy kodwa alazi ukuthi eleZimbabwe lifuna ukukhululeka lisebenzise imvelo yalo.

Wengeze esithi amazwe angentshonalanga alwisana leleZimbabwe ngoba lingafuni ukwenza okufunwa ngamanye amazwe. Ekhuluma ngomthetho wokuthuthukisa abensundu kwezenotho, owe Indigenization, uMugabe uthi ngamanga ukuthi uhulumende ufuna ukuhluthunela amankampani izabelo.

UMugabe obhodabhode ebuka umbukiso we Trade Fair, uthi lanxa amazwe angentshonalanga afakela ilizwe izijeziso zenotho kuyajabulisa ukubona ukuba kulamazwe alitshumi lane amatsha abukisayo lonyaka. Umbukiso lo, oqale ngoLwesibili, uzaphela ngoMgqibelo.

UChris Gande uxoxe loMnu. William Sibanda isakhamuzi sakoBulawayo, othi lanxa umbukiso walonyaka umkhulu kawutshengisi ukuthi uzalethela ilizwe izithelo.
please wait

No media source currently available

0:00 0:01:45 0:00
Lapho esitholakala khona
XS
SM
MD
LG