Umongameli Donald Trump weMelika usencome umhlangano awuqhube eSingapore lomunye wakhe we North Korea umongameli Kim Jong Un, njalo uthi uyamthemba uKim nxa esithi uzimisele ukuma ukulolonga izikhali zombhubhiso eze nuclear.
Ekhuluma lentathelizindaba ngemva komhlangano lo oqhutshelwe eSingapore ngoLwesibili ekuseni, umongameli Trump uthe engasebenza lamazwe agoqela ele South Korea, Japan, lanye leleChina ukufeza lezi izivumelwano.
Umongameli Trump uthi umongameli Kim wamukele kuhle inkuthazo yokuthi ananze amalungelo oluntu eNorth Korea.
Uthi lanxa kunjalo, izijeziso zama sanctions ezetheswa eleNorth Korea azisoze zethulwe kungafezwanga izivumelwano ngezikhali zenuclear.
Umongameli Kim laye ubonakale ethabile lapho ehumutshelwa amazwi kamongameli Trump abemncoma, njalo laye uthi uyathokoza ukuthi baqhube lumhlangano lomongameli Trump lanxa bekulemigoqo eminengi.
Lo ubungumhlangano wakuqala phakathi kukamongameli weMelika loweNorth Korea njalo umongameli Trump uthi uthemba kuzakuba lomhlangano ofanayo eWhite House eWashington D.C kwelizayo.
Ukuhlaziya loludaba, sixoxe loMnu. Mlamuli Nkomo, ingcwethi ecubungula ezombusazwe, yen aesiqale ngokumbuza ukuthi kambe umongameli Kim engekela ukusebenzisa izikhali ze nuclear.
UMnu. Nkomo uthi okubalulekileyo yikuthi umhlangano lo ubekhona, kwaboniswana, okokulandela izinqumo sokuzalandela.