amalinks wokungena

Breaking News

Umongameli Trump Uzakwethula Umbiko Ngokuhlaselwa Kwenkamba Ezilamabutho EMelika eIraq


Umongameli Donald Trump

Umongameli Donald Trump weMelika ulobe enkundleni ye twitter ukuthi uzakwethula umbiko ngaloludaba ngoLwesithathu ekuseni njalo usehlangene lomabhalane kahulumende omkhulu uMnu. Mike Pompeo lowezomvikela uMnu. Mark Esper esigodlweni sakhe seWhite House eWashington DC becubungula loludaba.

Sokuhlaselwe inkamba ezimbili eIraq ezigcina amabutho eMelika lawakwamanye amazwe ngenhlamvu ze ballistic missiles ezedlula ezilitshumi lambili.

Iqembu labokholo lwesi Moslem e Iran ele Guard Corps lethule umbiko lijabula ngokwenzakeleyo lisithi yikuphindisela kokubulawa kwesiphathamandla sebutho lalelolizwe uMnu. Qassem Soleimani ngele Melika.

Umongameli Donald Trump weMelika ulobe enkundleni ye twitter ukuthi uzakwethula umbiko ngaloludaba ngoLwesithathu ekuseni. Uthe konke kulungile njalo wagcizelela ukuthi kusahlolisiswa umonakalo odalwe yilesi isehlakalo.

Uphinde wathi ibutho leMelika lilamandla amakhulu okwedlula wonke amabutho emhlabeni.

Umongameli Trump usehlangene lomabhalane kahulumende omkhulu uMnu. Mike Pompeo lowezomvikela uMnu. Mark Esper esigodlweni sakhe seWhite House eWashington DC becubungula loludaba.

Umphathintambo kahulumende obona ngobudlelwano lamanye amazwe eIran uMnu.Mohammad Javad Zarif ubikwa esithi ilizwe lakhe lilakho ukuzivikela lanxa lingafuni ukuphehla impi.

EleMelika libulele UMnu. Soleimani ngoLwesihlanu olwedluleyo ese Iraq, limethesa icala lokwephula ilungelo loluntu lokubulala izizalwane zeMelika lezemhlubulweni weMiddle East.

Facebook Forum

XS
SM
MD
LG