BULAWAYO —
UMongameli Robert Mugabe usekhuthazwe ukuthi abengumkhokheli welizwe lonke hatshi abasekeli bebandla lakhe leZanu PF kuphela kodwa lezigidi ezivotele amabandla aphikisayo kukhetho olwedluleyo. Linkuthazo iphume emhlanganweni owenziwe nguMnu David Coltart, isiphathamandla sebandla leMDC ekhokhlwa nguMnumzana Welshman Ncube, lentathelizindaba koBulawayo ngoLwesihlanu.
Ekhuluma lentathelizindaba koBulawayo unobhala wezemthetho kubandla le Movement for Democratic Change ekhokhelwa nguMnuzana Welshman Ncube, uMnumzana David Coltart, uthi selidume ledlula ukhetho kungakho akusasizi ukukhala ngokuqilibezela okubekhona kodwa sokumele kukhangelwe ukuthi ilizwe liqondaphi ngemva kokugcotshwa kukaMongameli Robert Mugabe ukuthi akhokhele okweminye iminyaka emihlanu ezayo.
Uthi kuqakathekile ukuthi i Zanu PF igcwalise izimiso zesisekelo sombuso esitsha esikhuthaza ukwabiwa kwenotho yelizwe okulinganayo kuzabelo zonke zelizwe.
Wengeze esithi sokumele ibandla leli litshiyane lendlela yayo eliyijayeleyo yokuthuthukisa labo ebathandayo litshiya ingxenye yelizwe esezansi isidla imbuya ngoluthi.
Isakhamuzi njalo eyingcitshi kwezombusazwe, uMnumzana Godwin Phiri, uthi kungaba lihlazo ukuthi ibandla le Zanu PF liqale ngokuguqula izifiso zikazulu zokwabiwa kwamandla ezabelweni izenzele intando yalo.
Osebenza labasakhulayo kunhlanganiso ye Christian Youth Forum of Zimbabwe, uMnumzana Innocent Dube uthi umbuso lo oqalayo uza lethuba lokuthi uzulu akhangelele ukuthi indingeko zakhe zigcwaliseke ngoba kuhulumende womanyano amabandla ezombusazwe ayejikelana inyoka iphila kusale kungela msebenzi owenziweyo.
UMongameli Mugabe emkhosini wokungcotshwa kwakhe uthe uyalwazi udubo lokuvalwa kwamafekithali akoBulawayo kanye lodubo lwamanzi akhangelele ukuthi uhulumende wakhe alulungise.
Abadala bathi umlomo awugcwalela mfula kungakho inengi lisakhangelele ukubona izenzo zaluhulumende anduba litsho ukuthi uyagcwalisa izithembiso zakhe kumbe hatshi.
Ekhuluma lentathelizindaba koBulawayo unobhala wezemthetho kubandla le Movement for Democratic Change ekhokhelwa nguMnuzana Welshman Ncube, uMnumzana David Coltart, uthi selidume ledlula ukhetho kungakho akusasizi ukukhala ngokuqilibezela okubekhona kodwa sokumele kukhangelwe ukuthi ilizwe liqondaphi ngemva kokugcotshwa kukaMongameli Robert Mugabe ukuthi akhokhele okweminye iminyaka emihlanu ezayo.
Uthi kuqakathekile ukuthi i Zanu PF igcwalise izimiso zesisekelo sombuso esitsha esikhuthaza ukwabiwa kwenotho yelizwe okulinganayo kuzabelo zonke zelizwe.
Wengeze esithi sokumele ibandla leli litshiyane lendlela yayo eliyijayeleyo yokuthuthukisa labo ebathandayo litshiya ingxenye yelizwe esezansi isidla imbuya ngoluthi.
Isakhamuzi njalo eyingcitshi kwezombusazwe, uMnumzana Godwin Phiri, uthi kungaba lihlazo ukuthi ibandla le Zanu PF liqale ngokuguqula izifiso zikazulu zokwabiwa kwamandla ezabelweni izenzele intando yalo.
Osebenza labasakhulayo kunhlanganiso ye Christian Youth Forum of Zimbabwe, uMnumzana Innocent Dube uthi umbuso lo oqalayo uza lethuba lokuthi uzulu akhangelele ukuthi indingeko zakhe zigcwaliseke ngoba kuhulumende womanyano amabandla ezombusazwe ayejikelana inyoka iphila kusale kungela msebenzi owenziweyo.
UMongameli Mugabe emkhosini wokungcotshwa kwakhe uthe uyalwazi udubo lokuvalwa kwamafekithali akoBulawayo kanye lodubo lwamanzi akhangelele ukuthi uhulumende wakhe alulungise.
Abadala bathi umlomo awugcwalela mfula kungakho inengi lisakhangelele ukubona izenzo zaluhulumende anduba litsho ukuthi uyagcwalisa izithembiso zakhe kumbe hatshi.