amalinks wokungena

Dr. Nkosana Moyo: Umanyano Wamabandla Aphikisayo Ngeke Ususe uMugabe Esikhundleni

  • Praxedes Jeremiah

Umnumzana Nkosana Moyo

Owake waba ngumphathintambo wezamabhizimusi lokuthengiselana kuhulumende weZanu PF, uMnu. Nkosana Moyo, uhlangane labenhlanganiso ezizimeleyo ezilwela amalungelo oluntu koBulawayo, wabethulela isifiso sakhe sokufuna ukuncintisa kukhetho lokudinga umongameli oluzakwenziwa ngomnyaka ozayo.

UMoyo utshele abakade besemhlanganweni lo ukuthi kakholwa ukuthi ukungena kumanyano lamanye amabandla aphikisayo elizweni kungasusa iZanu PF embusweni.

Intathelizindaba yeStudio 7 uTaurai Shava obesemhlanganweni lo wenelise ukuxoxa labanye abakunhlanganiso lezi abathe bayajabula ukuthi uMoyo wenza ukuthi abantu babe lamathuba ambalwa okukhetha umongameli abamfunayo.

Abanye bathe bavumelana lomgqondo kaMoyo wokuvuselela umnotho welizwe lokunye okufanayo.

Bathe sesifikile isikhathi sokuthi umuntu onjengoMoyo amelane lomongameli Robert Mugabe engxenye engamuwisela phansi nanku abamanye amabandla afana leMDC-T sebeleminyaka edlula elitshumi lanhlanu bezama kodwa besehluleka.

Baphinde bethi langomnyaka ozayo akuthembisi ukuthi kungaba lomuntu ongamsusa uMugabe ngakho-ke akuzanywe yenalo omutsha.

Facebook Forum

XS
SM
MD
LG