amalinks wokungena

Breaking News

Umphathintambo Wezemali Udinga Umuntu Ongahlolisisa Izikwelede Zebhanga le RBZ


Umnu. Tendai Biti umphathintambo wogatsha lwezemali ubikwa efuna ukuthi kudingwe umuntu ozakhangela izikwelede zebhanga elikhulu lelizwe iReserve Bank of Zimbabwe ozabe njalo edingisisa ukuthi lezizikwelede zadalwa njani.

Abazi ngokwenzakalayo bathi uBiti ulwisa ngamandla ukuthi lokhu kwenziwe ngesiphangi phangi ukwenzela ukwenqabela ukuthengiswa kwempahla ye RBZ emkhambo yama auctions ngamankampani afuna ukubhadalwa izikwelede ezitshiyeneyo.

Ibandla le Zanu PF libikwa likhonona ngamacebo la kaBiti abathi enzelwa ukuthi kudingisiswe ukuthi abalandeli balo batholani kulelibhanga besabusa bodwa.
Abacubungula ezenotho bathi kungadingwa uCurator webhanga leli, kuzabanzima ukuthi ibhanga leli libhadale izikwelede.

Umnu. Rejoice Ngwenya ingcwethi ehlaziya ezenotho utshele uGibbs Dube we Studio 7 ukuthi njengoba ibhanga leli livele lingasela ncedo kungcono ukuthi ilizwe likhokhelwe yikomidi ezakhangela ezenotho ye Zimbabwe.

‚Äč
XS
SM
MD
LG