Umphathintambo wezemali uMnu. Tendai Biti ubikwa esefikile eNew York kweleMelika ukuzohlangana lengcwethi zenotho kanye labosomabhizimusi. UBiti ukulolu hambo ngenjongo yokubonisa umhlaba ukuba ele Zimbabwe yindawo engesabekiyo ukusungula ibhizimusi, loba nje kulohlelo lwe Indigenization olwesatshwa ngabanengi emazweni atshiyeneyo.
Isikhulumeli senhlanganiso ye Council for Zimbabwe eqoqe lumhlangano uMnu. Dominic Muntanga uthi uBiti ukhangelelwe ukuhlangana njalo lezifundi ze New York University ezifundela ezamabhizimusi.
UMuntanga uthi uBiti uzakhuluma ngomumo wezenotho kanye lezombusazwe eZimbabwe emihlanganweni embili ngoMvulo langoLwesibili eNew York.