Umphathintambo wezemali uMnu. Tendai Biti uthi uzabumba isikhwama sezigidi ezilitshumi lanhlanu zamadollar eMelika kuluhlu lwendleko zikahulumende, ibudget yomnyaka ka 2011 yokuphathisa amabhizimusi asacathulayo.
UBiti uthi ibhanga le Commercial Bank of Zimbabwe le Arab Bank for Economic Development in Africa sethembise ukufaka izigidi ezilitshumi zamadola eMelika kulesisikhwama.
Uthi abakhangelelwe ukuthola imali yokuthuthukisa amabhizimusi abo ngemali evela kulesi sikhwama, ngabantu abazisebenzayo, abahola imali encane kanye lalabo abalamabhizimusi athuthukayo.
Amabhanga ayekhangela ngokufunwa yilababantu adilika ngesikhathi ilizwe libhekane lenkinga ezibhidlize umnotho welizwe.
Ingcwethi kwezenotho uMnu. Bekithemba Mhlanga utshele uGibbs Dube we Studio 7 ukuthi utshayela uMnu. Biti ihlombe ngokubumba lesisikhwama kodwa kumele aqaphele ukuthi limali izanikwa njani uzulu.
