amalinks wokungena

Breaking News

Umphathintambo Wezokuthuthukisa Inotho Kazulu Usefuna Ukuvala iZimplats


Umphathintambo wezabatsha lokuthuthukisa inotho kazulu uMnu. Saviour Kasukuwere uthi usekhulumisana logatsha lukahulumende lwezemigodi ngokuthi sokumele inkampani ye Zimbabwe Platinum Holdings (Zimplats) ivalwe ngenxa yokwala ukulandela umthetho wokwabela uzulu amashares kuhlelo lweIndigenization.

UMnu. Kasukuwere ubikwa eseyehlulekile ukuvumelana le Zimplats ngokuthi yenze uhlelo lwayo lokwabela uzulu amashares ayisilinganiso sokudlula amatshumi amahlanu ekhulwini-51%.

UKasukuwere uthi bekumele inkampani le inike uhulumende uhlelo lwayo lokwabela uzulu amashares ngoLwesihlanu kodwa yehluleka ilokhe iqhubeka isithi seyanika uhulumende eyinye inotho yayo elenzuzo engaba yizigidi ezilikhulu lamatshumi amahlanu zamadola eMelika.

Inkampani le ibifuna ukwabela uzulu amashares ayisilinganiso sokungamatshumi amabili lanhlanu kusilinganiso sekhulwini ibe isiyakhela abantu makhaza izibhedlela, izikolo lamadamu.

Isikhulumeli se Zimplats uNkosikazi Busi Chindove uthe inkampani le lokhe ikhulumisana lohulumende ngokwabela amashares ayo uzulu.

Walile ukukhuluma okunengi ngalokhu lokuthi iZimplats ilakho ukuvalwa ngokwala ukwenza uhlelo olulohlonzi lokwaba amashares.

Umnu. Obert Mpofu, ongumphathintambo wezemigodi uthi uKasukuwere kalamvumo yokuvala imigodi njalo kungamanga lokuthi umgodi weZimplats usuvalwa.

Ingcwethi kwezenotho lezombusazwe uMnu. Rejoice Ngwenya uthi uMnu. Kasukuwere kayekele ukuphatha iZimplats kungani ngabantu abagebha iplatinum kumbe igolide kungela mvumo.

XS
SM
MD
LG