amalinks wokungena

Breaking News

Umphathisikolo Ubotshelwa Ukuthumela Imfanekiso KaMugabe NgeWhatsapp


Kulamatitshala amabili lomphathisikolo weShamva ababotshiweyo ngemva kokuthumezelana imifanekiso kamongameli Mugabe elolongwe ngomtshina wecomputer ukuhlekisa uzulu.

Umpthathiskolo, umbumzana Edson Chuwe ubotshwe labanye bakhe ababili besetheswa icala lokweyisa uMugabe phansi komthetho we Criminal Law Codification and Reform Act.

Omunye umfanekiso utshengisa uMugabe ekhahlelwa ngumlungu, omunye umtshengisa eyinyanga egqoke amayika.

Amapholisa athi babethumezelana imfanekiso le ngabomakhalekhukwini, kuwhats'app lasebulenjini be Internet.

Abantu laba babotshwe ngemva kokucebelwa ngomunye owayesebenza labo osowaxotshwa umsebenzi.

Inhlanganiso yababalisi eye Zimbabwe Rural Teachers' Association isole kakhulu ukubotshwa kwabathathu laba isithi ilungelo labo lephuliwe ngoba umuntu engamelanga abotshwe nxa efuna ukuzibilizisa.

Asiko kwakuqala ukuba umuntu abotshwe ngemva kokwetheswa icala lokweyisa kumbe ukuthuka uMongameli.

Ukuhlaziya loludaba umsakazo weStudio Seven uxoxe lengcwethi ecubungula ezemithetho, uMnu. Job Sibanda othi icala elinje kaliyandisanga ukuba lesigwebo esincane.

please wait

No media source currently available

0:00 0:01:38 0:00
Lapho esitholakala khona

XS
SM
MD
LG