amalinks wokungena

Breaking News

'Umqondisi weZMDC Omiswe Umsebenzi Wakha Indlu Emangalisayo eHarare'


Umqondisi we Zimbabwe Mining Development Corporation (ZMDC), uMnu. Dominic Mubayiwa, osanda miswa umsebenzi labanye bakhe abathathu, ubikwa esakha indlu emangalisayo emzini ohlala abantu abanothileyo eBorrowdale edolobheni leHarare.

Umsekeli womhleli wephephandaba le Zimbabwe Independent uMnu. Dumisani Muleya ohlolisisa udaba lolu, uthi indlu eyakhiwa ngu Mubayiwa le yiyo engabe yenze ukuthi amiswe umsebenzi njengoba kusobala ukuthi akulamali ebingena ku ZMDC.

Uphinde wathi indlu le isimangalise uzulu owehluleka ukuthola imali yokuthenga ukudla okwaneleyo ngelanga.

U Muleya utshele iStudio 7 ukuthi umqondisi we ZMDC ulakho ukulahlekelwa ngumsebenzi nxa weba imali yenkampani esenzela ukwakha inkalakatha yendlu yakhe le eHarare.

‚Äč
XS
SM
MD
LG