amalinks wokungena

Breaking News

Umsakazi Olodumo, UAlyson Chavunduka Ubekwa eHarare


Alyce Chavunduka

UChavhunduka utholakale endlini yakhe eJohannesburg esehluleka ukuphefumula kuhle waginyiselwa esibhedlela kodwa wasebhubha ngemva kweviki esesibhedlela.

Owayengumsakazi olodumo owasebenzela imisakazo egoqela iZimbabwe Broadcasting Corporation le South African Broadcasting Corporation, uNkosazana Alyson Chavhunduka, obhubhe ngeviki edluleyo kwele South Africa ubekwe emathuneni aweGlen Forest eHarare ngoMvulo.

Abethule amazwi okuvalelisa uChavhunduka abagoqela abasebenza laye lezihlobo bathe umuyi wayengumntu olesiphiwo sokusakaza. uChavhunduka utholakale endlini yakhe eJohannesburg esehluleka ukuphefumula kuhle waginyiselwa esibhedlela kodwa wafa ngemva kweviki esesibhedlela.

Umuyi waba ngonsundu wakuqala ukusakaza indaba ngolimi lwesingisi emsakazweni we SABC. Umuyi, ofelwe nguyise, uDokotela Gordon Chavhunduka owayengumkokhekeli wenhlanganiso yabosiwalu, iZINATHA, ubikwa ewelwe zingozi zemota ezimbili ekhonale kweleSouth Africa okucatsangelwa ukuthi yikho okwabangela ukuthi agule.

IStudio Seven ixoxe lomsakazo olodumo, uEzra Sibanda laye owasebenza emsakazweni we ZBC othi umuyi wayelesiphiwo angasitholanga esikolo.

please wait

No media source currently available

0:00 0:02:05 0:00
Lapho esitholakala khona
XS
SM
MD
LG