amalinks wokungena

Breaking News

Umsebenzi Uqhubekela Phambili eBlanket Mine Evalwe NguKasukuwere


Umsebenzi uqhubekela phambili emgodini we Blanket Mine loba umphathintambo wokuthuthukisa inotho kazulu uMmnu. Saviour Kasukuwere ethule umbiko othi inkampani le isivalelwe ukungalandeli umthetho wokwabelana kwamashares amankampani emazweni kuhlelo lwe Indigenization.

Abaqondisi lezisebenzi ze Blanket Mine babikwa bethethe inyathelo lokuthi umsebenzi kumele uqhubekele phambili kusakhulunyiswana lo Mnu. Kasukuwere ngokwabelana kwama shares eBlanket Mine.

Izakhamizi ze Gwanda kwele Matabeleland South zithukuthele okwamagama ngokwenziwa nguKasukuwere.

Umayor wedolobho leGwanda uMnu. Lionel de Necker utshele uGibbs Dube weStudio 7 ukuthi uMnu. Kasukuwere udlala ngempilo kazulu.

Umnu. Buletsi Nyathi okunhlanganiso yabasakhulayo iYouth Mining Council uthi kusobala ukuthi kuleziphathamandla zebandla le ZANU PF esezifuna ukuthatha iBlanket Mine.

XS
SM
MD
LG