Inhlanganiso ebona ngomsebenzi wokwakha eye Construction Industry Federation of Zimbabwe ithi sokulokuthuthuka komsebenzi lo elizweni.
Lokhu kuvezwa yikuvuselelwa kwenhlelo ezakhalalwa ngamankampani lohulumende kubhidlika umnotho we Zimbabwe endaweni ezitshiyeneyo.
Inhlanganiso le ithi lokhu sokutshengisa ukuthi umnotho welizwe uyathuthuka.
Ithi umsebenzi wokwakha eZimbabwe uthuthuke ngesilinganiso sokudlula kancane okulitshumi ekhulwini kusukela ngomnyaka ophelileyo.
Inhlanganiso le ithi uhulumende wenelise ukufaka imali ekwenzeni inhlelo ezitshiyeneyo ezinjengokwakha amadamu, ukuvuselela izibhedlela kanye lamakolitshi emfundo yaphezulu.
Iphinde yathi kulamankampani anjenge Zimbabwe Platinum Holdings lamanye emigodi asungule inhlelo zokwakha lonyaka okwenze umsebenzi wokwakha uthuthuke lonyaka uyefika kusilinganiso sokwedlula kancane amatshumi amathathu ekhulwini.
Ingcwethi kwezenotho uMnu. Daniel Ndlela uthi umsebenzi wokwakha ukhangelelwe ukuthuthuka okungatsho lutho ngomnyaka ozayo.
