amalinks wokungena

Breaking News

Umsekeli weZanu PF Ukhalise Umbhobho Ngesikhathi Exotshwa Epulazini yiMthwakazi Republic Party


UMnu. Mqondisi Moyo, umongameli webandla leMthwakazi Republic Party.

Izakhamizi zeNtabazinduna ebezikhokhelwa ngamalunga ebandla leMthwakazi Republic Party (MRP) izolo zixotshe ilunga leZanu PF, uMnu Ambrose Floyd epulazini alihluthunele umlimi omhlophe, uMnu Brian Davies kumalanga asanda kwedlula.

UFloyd uthe ebona amalunga alelibandla wakhalisa umbhobho kodwa akuncedanga ngoba akekho obalekileyo. Lokhu kwenze wacela ezinywaweni lezisebenzi zakhe ezimbili.

Amalunga eMthwakazi asele edobha impahla zikaDavies ebesezijikelwe phandle azibuyisela endlini yakhe.

Lokhu kwenzakala ngesikhathi udaba lwamapulazi soluqale njalo ukuba segudwini.

Ugatsha olulwisana lenkohlakalo olweZimbabwe Anti-Corruption Commision lubikwa soluqinise isandla ekuthungatheni abantu abahluthuna amapulazi amanengi abagoqela owayengunkosikazi kaMnu Robert Mugabe, uGrace, obikwa elamapulazi afika phose amatshumi amabili.

Umkhokheli weMRP, uMnu Mqondisi Moyo utshele iStudio 7 ukuthi abasoze bavumele umsekeli weZanu PF lo exotsha uMnu Davis epulazini lakhe ngoba esebenza kuhle lezakhamizi.

please wait

No media source currently available

0:00 0:03:01 0:00

Facebook Forum

XS
SM
MD
LG