amalinks wokungena

Umthelo Ofakwe Kuntengo Yokudla Uzakwenza Uzulu Angadli Inyama

  • Chris Gande

Intengo yenyama ikhangelelwe ukukhuphuka ngenxa yokukhuphulwa komthelo weValue Added Tax.

Uzulu uhlaba umkhosi ngomthelo owafakwa nguhulumende ngeviki ephelileyo kuntengo yokudla, ikakhulu inyama.

Umthelo lo, owethulwa ngumphathintambo wezenotho, uMnu. Patrick Chinamasa, nyakenye esethula uluhlu lwendleko kahulumende, ibudget, kodwa waqala ukusebenza ngeviki edluleyo.

Uzulu uthi kasenelisi ukuthenga ukudla okutshiyeneyo kulandela lumethelo oyisilinganiso sokulitshumi lanhlanu ekhulwini - 15 percent.

Lokhu kutsho ukuthi indleko yemuli elabantu abahlanu ekade isebenzisa imali engamadola angamakhulu amathathu lengxenye, $150, isizafuna imali engedlula amakhulu amane.

Ukuhlaziya loludaba sixoxe lengcwethi ecubungula ezenotho, uMnu. Rejoice Ngwenya, othi kukhanya lumthelo uhlose ukuthwalisanzima abahlala emadlobheni ngoba yibo abaphila ngokuthenga inyama lokunye ukudla osekulentengo ephezulu.

"Siyakwazi ukuthi ukhetho luka 2018 seluseduze njalo siyakwazi ukuthi uhulumende sedinga indlela ezinengi zokudinga imali ekwazi ukuthi abantu abanengi abahlala emadolobheni yibo abayandise ukuvotela iMDC," kutsho uNgwenya.

Facebook Forum

XS
SM
MD
LG