Abafundi abangamatshumi amabili lasikhombisa ababotshwe izolo ngamapholisa besetheswa amacala okutshengisela eBindura University of Science Education bakhululwe ngumthethwandaba lamuhla eBindura.
Umnumzana Tawanda Zhuwarara igqwetha elimele abafundi laba lithi abatshutshisi bakahulumende bavumelane lamagqwetha abafundi ukuthi lababafundi bakhitshwe entolongweni bengahluwuliswanga imali.
Umnu. Zhuwarara uphinde wathi abafundi laba sebezathoniswa amacala bengakibo njalo besiya ekolitshini leBindura.
Umnu. Mfundo Mlilo isikhulumeli seZimbabwe National Students Union utshele uGibbs Dube we Studio 7 ukuthi uhulumende ucele abaqondisi be Bindura University ukuthi bazwele abafundi nxa besiyathoniswa amacala.
Abafundi bekolitshi leli batshengisele bekhonona ngokuthi abanye babo kade besaliswa ukuloba imhloliswa kuthiwa kumele babhadale ama tuition fees bengakalobi limhloliso yokuqqhiba isiqanyana sokufunda somnyaka njalo lemhloliso yokuphetha izifundo.
