Umanyano wenhlanganiso ezilwela amalungelo ababalisi owe Amalgamated Rural Teachers Union of Zimbabwe (ARTUZ) uthi wamukela ngenjabulo isinqumo esithethwe ngumthethwandaba esokuthi ibandla leZANU PF lingasebenzi impahla zezikolo kanye labafundi nxa liqhuba imihlangano yalo yezombusazwe.
UMnu. Obert Masarure, isiphathamandla somanyano lo, oyiwo owakhweza loludaba emthethwandaba uthi bazamangalela ibandla leZANU PF nge “contempt of court” lingaqhubeka likwenza lokhu.
Udaba lolu lulokhu lusahluzwa emthethwandaba ngemva kokuba ibandla leZANU PF likhweze amaphepha aluphikisayo.
Kusenjalo, ingcwethi kwezemfundo lamasiko uMnu. Isaac Mpofu uthi imihlangano yama rallies ayilungelanga abantwana besikolo ngoba kuyake kube lenkulumo zokuchothozana kanye lenzondano, okungasoze kwakhe kuhle isimilo sabasakhulayo.
