amalinks wokungena

Breaking News

Umthethwandaba Uthi uJestina Mukoko Ahlawulwe Imali Yokuhlukuluzwa Nguhulumende


Uhulumende kufanele abhadale uNkosazana Jestina Mukoko amadola azinkulungwane ezilikhulu ezilamatshumi amahlanu-150 000 dollars kulandela ukuthunjwa kanye lokuhlukuluzwa kwakhe yiziphathamandla zikahulumende ngomnyaka ka 2008.

Umthethwandaba ophakemeyo owe High Court eHarare unqume ngoLwesihlanu ukuthi uhulumende kufanele abhadale umkhokheli wenhlanganiso elwela ilungelo loluntu eyeZimbabwe Peace Project uNkosazana Jestina Mukoko amadola azinkulungwane ezilikhulu ezilamatshumi amahlanu-150 000 dollars kulandela ukuthunjwa kanye lokuhlukuluzwa kwakhe yiziphathamandla zikahulumende ngomnyaka ka 2008.

Uzasebenzisa i-50 thousand dollars ukubhadala amagqwetha akhe.

Ngomnyaka ka 2008, uNkosazana Mukoko, yena okhokhela inhlanganiso yeZimbabwe Peace Project, wamiswa phambi komthethwandaba ngemva kwamaviki ambalwa kungaziwa ukuthi ubengaphi, esetheswa icala lokuzama ukugenqula umbuso kamongameli Robert Mugabe.

Uthi lanxa imali azayiphiwa ingasoze ithobe amanxeba akhe, isinqumo somthethwandaba sizakuba yisibonelo kuziphathamandla zikahulumende ezihlukuluza abantu.

please wait

No media source currently available

0:00 0:02:36 0:00

Facebook Forum

XS
SM
MD
LG