amalinks wokungena

Breaking News

Umthethwandaba Uthi Abadudulwa nguGrace Mugabe eManzou Kumele Behlawulwe


Abantu abaxotshwa nguNkosikazi Grace Mugabe epulazini leManzou belegqwetha labo. © Zimbabwe Lawyers for Human Rights.

Umthethwandaba unqume ngoLwesine ukuthi umphathintambo wendaba zasekhaya, usikomitshi wamapholisa kanye lamapholisa ayisithupha kumele bebhadale abantu abadudulwa epulazini leManzou nguNkosikazi Grace Mugabe.

UNkosikazi Mugabe uxotshe amakhulu ezakhamizi zeManzou Farm ngo2015 efaka inyamazana epulazini leli.

Lokhu kwabangela ukuthi amagqwetha alwela amalungelo oluntu aweZimbabwe Lawyers for Human Rights acele inkundla ukuthi ingenele abantu laba behlawulwe ngoba badilizelwa imizi lemphahla zabo.

Lanxa nje umkaMugabe ubengumninindaba, umthethwandaba uthe abamele bahlawule abantu laba inkulungwane lenkulungwane zamadollar nguMnu Obert Mpofu, uMnu Godwin Matanga kanye lamanye amapholisa ayisithupha.

Kunjalo nje, umthethwandaba weHigh Court eSouth Africa lawo unqume ukuthi oke waba nguMongameli walelolizwe uMnu Jacob Zuma wephula umthetho ngokusekela ukuvalwa komthethwandaba weSADC Tribunal ngomnyaka ka2012.

Facebook Forum

XS
SM
MD
LG