amalinks wokungena

Breaking News

Umthethwandaba weHarare Ukhulula Ababalisi Ababotshwe Befola eRuwa


RTUZ protest march

Umthethwandaba kamantshi eHarare ngoLwesithathu ntambama ukhulule ababalisi ababotshwe eRuwa bephakathi kokutshengisela ngokufola, ngoba usithi akulabufakazi obeneleyo obukhomba ukuthi kulecala abalidalayo.

Ababalisi laba, abangamalunga enhlanganiso elwela amalungelo amatitshala eyeAmalgamated Rural Teachers Union of Zimbabwe (ARTUZ) bebefola besuka eMutare besiya eHarare njalo bebekhangelelwe ukuthi ngoLwethathu bazakwethulela umphathintambo obona ngezemali uMnu. Mthuli Ncube izikhalazo zabo. Bathi lokhu sebezakwenza ngoLwesine.

Bebevalelwe enkambeni yeHarare Central Police Station ngemva kokuthwalwa ngemota yamapholisa ibasusa eRuwa ngoLwesibili.

Ababalisi laba, abafuna ukuholiswa ngemali yedola leMelika, bake babotshwa njalo ngoMgqibelo bese Macheka kodwa bakhululwa ngumthethwandaba weMarondera ngesizatho esifanayo.

Bebesetheswa amacala agoqela ukutshengisela bengelamvumo evela emapholisen kanye lokwephula umthetho we Public Order and Security Act, iPOSA.

Isiphathamandla seARTUZ uNkosazana Catherine Jubane, uthi bazaqhuba umhlangano lentathelizindaba ngoLwesine ngomkhankaso wabo.

please wait

No media source currently available

0:00 0:01:49 0:00

Facebook Forum

XS
SM
MD
LG