Idale le Supreme Court eMelika ngoLwesine lethule isinqumo sokuthi umthetho wezempilakahle owethulwe lidale le Congress nyakenye owasungulwa nguMongameli Barack Obama, kawephuli isisekelo sombuso welizwe.
Umnu. John Roberts ongumahluli omkhulu wedale leli labanye bakhe abane babone kufanele ukuthi umthetho lo owe Patient Protection and Affordable Care Act ulondolozwe unjalo njengokwethulwa kwawo, njalo ulungele uzulu njengoba ungani ngumthelo obhadalwa ngumuntu wonke.
Kodwa-ke abanye abane bebephikisa besithi uzulu akumelanga abanjwe ngamandla ukuthi athenge ihealth insurance.
Umthetho lo odume ngokubizwa ngokuthi yi Obamacare ngabalandela bebandla le Republican Party ukhanya ungathakazelelwa ngamankampani athengisela uzulu ama health insurance.
Umthetho lo ukubeka sobala ukuthi umuntu wonke ohlala eMelika kumele athole ihealth insurance, emsebenzini kumbe enhlelweni zikahulumende ukuze abantu bengahlawuliswa imali enengi lapho sebegula.
Amankampani athengisa i-insurance kumele abikwa ezamele athengisele umuntu wonke okuzagoqela lalabo abagulayo okwamagama.
Iziqondiso zomthetho lo ziphinda njalo zithi abantwana kumele bahlale bengaphansi kwabazali kunhlelo zempilakahle baze bafikise imnyaka engamatshumi amabili lesithupha.
Okwethulwe yi Supreme Court kuthabise abalandeli bebandla lika mongameli Obama othabe okwamagama.
Abasebenza kwezempilakahla lalabo abakumankampani ama insurance bathi kuyabukeka okwenziwe lidale le Supreme Court le Melika.
Umnu. Clemence Sibanda osebenzela eyinye yamankampani la uthe inhlelo lempilakahle ezinceda uzulu kumele zenziwe kwele Zimbabwe.
Umthethwandaba we Supreme Court eMelika Uthi Umthetho Wezempilakahle Kawephuli Isisekelo Sombuso Welizwe
- Gibbs Dube
