amalinks wokungena

Breaking News

UMugabe uthi Akulamali Yokuqhuba Ukhetho Lwama By-Elections


Uhulumende kalayo imali yokuqhuba ukhetho lwama by-elections agoqela awedale lephalamende alitshumi lanye, aweSenate ayisikhombisa, lawamakhansila angamatshumi amahlanu, kutsho uMongameli Robert Mugabe.

UMugabe uveze lokhu emaphepheni okuzivikela emthethwandaba weHigh Court koBulawayo kudaba olukhwezwe ngababengamalunga edale lephalamende bengabeMDC ekhokhelwa nguMnu Arthur Mutambara abathathu abathi bafuna kwenziwe ukhetho endaweni ababezimela.

Abathathu laba ngabathi uMnu Abednico Bhebhe, owayemela iNkayi South, Norman Mpofu owayemela iBulilima East loNjabuliso Mguni owayemela iLupane East.

UMugabe uthi kudingakala imali engangezigidi phose ezingamatshumi amane zamadollar eMelika-US$38,3 million yokuqhuba ama by-elections endaweni zonke zelizwe.

Igqwetha elimela uBhebhe labanye bakhe, uMnu Matshobana Ncube uthi udaba lolu luzahluzwa ngumthethwandaba ngenyanga ezayo.

‚Äč
XS
SM
MD
LG