amalinks wokungena

Breaking News

Mugabe: Kakuphele Ukudonselana Ebandleni Lethu leZanu PF


Umongameli Robert Mugabe lomkakhe uNkosikazi Grace Mugabe

Uhlangothi lwabesifazane ebandleni leZanu PF lusole kakhulu ukulwisana okusebandleni leli, lukhuthaza abaphatheke kikho ukuba behlukane lalomkhuba. Inkokheli yaloluhlangothi ithethe lelithuba ukuhlasela omunye wabasekeli bakamongameli umnumzana Emmerson Munangagwa ukuba aphumele egcekeni, atsho lapho ami khona kulimpi, ebekwa umlandu wokungakhuzi labo abazithi bakucele lakhe.

Emhlanganweni we Zanu PF
Emhlanganweni we Zanu PF

Linkuthazo iphume emhlanganweni waloluhlangothi, owenzelwe esigodlweni seZanu PF, eHarare, wokubonga umsebenzi kamongameli Robert Mugabe, ngesikhathi engumgcinisihlalo wenhlanganiso yomanyano wamazwe akuzwekazi leAfrica, owe African Union.
Oqale linkulumo ngophethe ezemali kuhlangothi lwabesifazane beZanu PF, unkosikazi Sarah Mahoka, otshele lumbuthano ukuba kumele atsho umnumzana Emmerson Munangagwa lapho ami khona.
Wasola ukwenza kwephephandaba leHerald uMahoka ethi kalisazakali lapho limi khona, wacela umongameli Robert Mugabe abachasisele ukuba ngubani isikhulumeli sebandla, ethi bedidekile ngokwenza kukanobhala jikelele egatsheni lwezokuhanjiswa kwemibiko, umnumzana George Charamba.

Umkamongameli uNkosikazi Grace Mugabe esemhlanganweni we Politburo yeZanu PF
Umkamongameli uNkosikazi Grace Mugabe esemhlanganweni we Politburo yeZanu PF

Umkamongameli unkosikazi Grace Mugabe, ongunobhala jikelele wohlangothi lwabesifazane lolu, laye usole kakhulu ukuthukana kwenkokheli zebandla eziphoselana aqhatha kuphuma lezindabeni.

Okuyinto esekelwe ngumongameli Mugabe ngokwakhe, laye egcizelela kulinkuthazo, ethi kumele inkokheli ilandele indlela zebandla, ukukhalaza hatshi ukuthukana njengalokho osekusenzakala.

"Kungamalunga e Politiburo la engikhuluma ngawo, sibonisane phezu kwezizatho, eziyizo ezenza ukuba uzulu ebandleni bakhonone phezu ngokwenza kwethu thina inkokheli zebandla, kukhulunywe ngakho, sizwe okuhluphayo, okulungisiswayo kulungisiswe ".

Umsekeli kamgcinisihlalo ehlangothini labesifazane, unkosikazi Sandi Moyo laye ungezelele kulokhu kukhalaza, ethi ontanga kumele balimuke bangaze bavuma ukusetshenziswa yilezinkokheli, ukufeza izifiso zabo njangalokho okwenzakale esigabeni senkabazwe lapho omama bevinjwe ukugada amabhasi abeqoqwe libandla ukuthi baze ukuzomenzela amhlophe umongameli Mugabe, ngomsebenzi awenze ngesikhathi engumgcinisihlalo we AU.

"Sungumsebenzi ukutshona behlukuluza abantu kodwa sithi baba,thina njengomama they will not manage,but this is not the right time,ukuthi sikwenzele amhlophe,njalo sikubonge umsebenzi wakho omuhle osenzele wona ".
Wengeza ethi yena labanye abesifazane ebandleni bengasoke balahla imhuli kamongameli kanye lenkokheli emsekelayo.
"Silawe,sizohamba lawe,lobaba,sizahamba lemhuli yenu yonke,sihamba lani njengomama. Uyananzelela the numbers that are here".
Umongameli Mugabe utshengise ukukhathazeka kwakhe phezu kwezehlakalo zebandla, wathi kumele kuphele, abalokukhonona benze kanjalo belandela indlela zebandla hatshi ukube lokhe bethukana emphakathini.

Umhlangano wePolitburo weZanu PF
please wait

No media source currently available

0:00 0:03:02 0:00
Lapho esitholakala khona

XS
SM
MD
LG