WASHINGTON DC —
UMongameli Robert Mugabe uthi uzimisele ukunikeza intambo zombuso nxa enganqotshwa kukhetho lwangoLwesithathu. Ekhuluma lentathelizindaba emzini wakhe weState House ngoLwesithathu emini uMongameli Mugabe uthe uzakwamukela impumela yokhetho njalo anikeze intambo zombuso kuMnu. Morgan Tsvangirai loba oyabe enqobile.
Lanxa kuleyinye inkokheli yebutho ebikwa isithi kayisoze yamukele ukunqoba komuntu ongazange aye empini yenkululeko njalo ingasoze isalute umuntu onjengo Tsvangirai, uMongameli Mugabe uthe abakubutho ngabantu abasebenza bephansi komthetho ngakhoke bazalandela lokuhlonipha isisekelo sombuso.
Inhloko kahulumende uMnumzana Tsvangirai ngoMvulo uthe uMugabe kakumelanga esabe ukuvuma ukunqotshwa atshiye intambo zombuso ayeziphumulela ngoba yena akasoze adinge ukuphindisela ububi abenzelwa nguMugabe.
UMongameli Mugabe ukhuthaze uzulu weZimbabwe ukuthi ayevota ngokuthula ngoLwesithathu lalabo abayabe benqontshiwe kukhetho bengaqalisi udlakela loba ukuya emigwaqweni ukuyatshingisela ukungemukeli impumela yokhetho, kodwa badinge usizo emithethwandaba.
Uphinde walandula imbiko yeMDC-T ethi ibandla lakhe leZanu PF lisebenzelana lekhomishini ebona ngezokhetho eye Zimbabwe Electoral Commission ukuthi liqhilibizele kukhetho.
Lanxa kuleyinye inkokheli yebutho ebikwa isithi kayisoze yamukele ukunqoba komuntu ongazange aye empini yenkululeko njalo ingasoze isalute umuntu onjengo Tsvangirai, uMongameli Mugabe uthe abakubutho ngabantu abasebenza bephansi komthetho ngakhoke bazalandela lokuhlonipha isisekelo sombuso.
Inhloko kahulumende uMnumzana Tsvangirai ngoMvulo uthe uMugabe kakumelanga esabe ukuvuma ukunqotshwa atshiye intambo zombuso ayeziphumulela ngoba yena akasoze adinge ukuphindisela ububi abenzelwa nguMugabe.
UMongameli Mugabe ukhuthaze uzulu weZimbabwe ukuthi ayevota ngokuthula ngoLwesithathu lalabo abayabe benqontshiwe kukhetho bengaqalisi udlakela loba ukuya emigwaqweni ukuyatshingisela ukungemukeli impumela yokhetho, kodwa badinge usizo emithethwandaba.
Uphinde walandula imbiko yeMDC-T ethi ibandla lakhe leZanu PF lisebenzelana lekhomishini ebona ngezokhetho eye Zimbabwe Electoral Commission ukuthi liqhilibizele kukhetho.