Umongameli Robert Mugabe umanyane lababakhokheli bamanye amazwe, osomabhizimusi, kanye lenhlanganiso ezizimeleyo emhlanganweni wokucubungula amaqhinga angabunjwa langagcizelelwa ukulungisisa ukonakala komkhathi i- climate change emhlabeni jikelele, emhlanganweni oqoqwe ngumanyono wamazwe omhlaba owe United Nations eNew York khonapha eMelika.
Umongameli Robert Mugabe lamuhla umanyane lababakhokheli bamanye amazwe, osomabhizimusi, kanye lenhlanganiso ezizimeleyo emhlanganweni wokucubungula amaqhinga angabunjwa langagcizelelwa ukulungisisa ukonakala komkhathi i- climate change emhlabeni jikelele, emhlanganweni oqoqwe ngumanyono wamazwe omhlaba owe United Nations eNew York khonapha eMelika.
Ekhuluma emhlanganweni lo, unobhala jikelele we United Nations, uMnu. Ban Kin Moon ukhuthaze inkokheli zamazwe atshiyeneyo ukuthi zikhokhele emizameni yokwehlisa inani lentuthu engalungelanga umkhathi i- greenhouse emission ukwenzela ukuthi izizukulwane ezizayo zingabethesi icala lokuthi behluleka ukubalungiselela ikusasa yabo.
Ekhuluma leStudio 7 eceleni kwalumhlangano khonapha eNew York, umphathintambo kahulumende obona ngeziphathelane lomkhathi uMnu. Saviour Kasukuwere uchasisele iStudio 7 imizamo eyenziwa nguhulumende ukwehlisa inani lentuthu ye green house emission emkhathini.
UMongameli Barack Obama weMelika, ukhangelelwe ukukhuluma lamuhla ntambama kulumhlangano, ongowokuqala ukuthi ubuthanise inkokheli zamazwe omhlaba kucutshungulwa eziphathelane lomkhathi.
Abanye abakhulume kulumhlangano nguMayor weNew York uMnu. Bill De Blasio, owayengumsekeli kamongameli weMelika u Al Gore, uMnu. Leonardo Decaprio, labanye abanengi-nengi.