amalinks wokungena

Breaking News

EleZimbabwe Liphatheka Emhlanganweni Wokuthuthukisa Impilo Yabesifazana EMelika


UNkosikazi Sithembiso Nyoni

UNkosikazi Sithembiso Nyoni uthi uqakathekile ukuthuthukisa impilo yabesifazana abahlala emaphandleni ngokubanika umhlaba, amanzi ahlanzekileyo, lokunye okungabancedisa ukuqhuba amabhizimusi abo, kulokubadingela imisebenzi

Iqula elivela kwele Zimbabwe eligoqela umka mongameli uNkosikazi Auxillia Mnangagwa liseNew York eMelika emhlanganweni weUnited Nations owokunanza amalungelo abesifazana abahlala emaphandleni owe 62nd Commission on the Status of Women, ovulwe ngokusemthethweni ngoMvulo.

Abanye abakulumkhosi yiziphathamandla zebandla leZANU PF ezigoqela oNkosikazi Sithembiso Nyoni, Mabel Chinomona, kanye loMonica Mutsvangwa. Isiphathamandla seMDC-T, uNkosazana Paurina Mpariwa, kanye lamalunga enhlanganiso ezizimeleyo labo baphatheka kulumhlangano.

Ekhuluma lentathelizindaba phambilini kwalumhlangano eseEthiopia, uNkosazana Nyoni ubikwa wathi kuqakathekile ukuthuthukisa impilo yabesifazana abahlala emaphandleni ngokubanika umhlaba, imota zokuhambisa, amanzi ahlanzekileyo, lokunye okungabancedisa ukuqhuba amabhizimusi abo, kulokubadingela imisebenzi nje kuphela.

Ukuhlaziya loludaba, sixoxe loNkosikazi Tholakele Mahlangu Khumalo, omunye owaphatheka emhlanganweni ofanayo ngomnyaka odluleyo.

UNkosikazi Mahlangu Khumalo uchasisa ngenhlelo eziphathisa abesifazana azisungulayo evela kulumhlangano.

Ingxoxo LoNkosikazi Tholakele Mahlangu Khumalo
please wait

No media source currently available

0:00 0:02:17 0:00

Facebook Forum

XS
SM
MD
LG