amalinks wokungena

Breaking News

UNkosazana Thokozani khuphe Lamanye Amalunga eMDC-T Bakhangelelwe Ukuthatha Izikhundla Ezatshiywa Ngabe MDC-Alliance Ephalamende leSenate


UNkosazana Thokozani Khupe

Ibandla leMDC-T seligcizelele ukuthi ngempela umkhokheli walo uNkosazana Thokozani Khuphe ukhangelelwe ukuphindela ephalamende ukuba lilunga lalelidale, labanye bakhe abalitshumi lane, njalo amabizo abo asehleliwe yinhlanganiso ebona ngezokhethe eye Zimbabwe Electoral Commission, i-ZEC.

Lokhu kuza ngemva kokususwa kwamanye amalunga ebandla leMDC edale le phalamende lele senate, kulandela isinqumo somthethwandaba esokuthi uMnu. Nelson Chamisa okhokhela iMDC Alliance, kasomholi oqotho walelobandla.

Ngalokho, uNkosikazi Khuphe, owayehola i-MDC-T, njalo osaphethe lesi isikhundla okwesikhatshana kungakaqhutshwa umhlangano omkhulu wecongress ozakhetha umkhokheli omutsha, nguye umholi oqotho wamabandla la, ngoba womabili esuka kuMDC-T.

UMnu. Khaliphani Phugeni, isikhulumeli seMDC-T ukhangelelwe ukuba lilunga ledale le Senate.

Abanye abakhethiweyo ukuthi babengamalunga edale le senate lelephalamende kuMDC-T babalisa uYvonne Winfielda Musarurwa, Lindani Moyo, January Sawuke, Memory Munochinzwa, Lwazi Sibanda, Sipho Mokone, Molly Dorothy Ndlovu, Tamani Moyo, Nomalanga Khumalo, Gertrude Moyo, Piniel Denga, Chief Ndlovu, loTeti Chisorochengwe.

UNkosikazi Khumalo wake waba ngumsekeli wesikhulumeli sedale lephalamende, wammela iMzingwane kulelidale, njalo uMnu. Denga loNkosazana Sibanda babengamalunga ephalamende.

Laba bathatha indawo zamalunga e-MDC Alliance axotshwa edale lephalamende abalisa uNkosazana Thabitha Khumalo, Virginia Zengeya, Anna Myambo, Bacillia Majaya, Machirarwa Mugidho, Francisca Ncube, Nomathemba Ndlovu, kanye labe senate o Siphiwe Ncube, Gideon Shoko, Helen Zivira, Keresencia Chabuka,Tapfumaneyi Wunganayi, Herbert Sinampande, Meliwe Phuti lo Lilian Timveous.

I-ZEC ithi abalesizathu sokuthi abantu laba bengangeni kulezi izikhundla kufanele bazise linhlanganiso. Ababephethe izikhundla lezi kabavotelwanga kodwa bakhethwa.

Sixoxa loMnu. Phugeni ngaloludaba.

please wait

No media source currently available

0:00 0:02:33 0:00


Facebook Forum

XS
SM
MD
LG