amalinks wokungena

Breaking News

Umkhokheli weZPF UNkosikazi Mujuru Uveza Okusenhliziyweni Yakhe


Umkhokheli webandla elitsha ele Zimbabwe People First, uNkosikazi Joice Mujuru

Umkhokheli webandla elitsha ele Zimbabwe People First, uNkosikazi Joice Mujuru useze waveza okusenhliziyweni yakhe ngokwenzakala elizweni kungxoxo ebanzi ayenze lentathelizindaba ze Associated Press.

UMujuru uthi okwenzakala kubandla leZanu PF kuyadanisa njalo kutshengisa ukuba uMongameli Robert Mugabe usefuna ukuthwalisa nzima abalwa impi yenkululeko.

Wengeze ethi sekukhanya sobala ukuthi uMugabe ufuna ukuthi isikhundla wakhe sokukhokhela ilizwe sibe njengobukhosi esitshiyelwana emulini yakhe.

UMugabe umchaze njengomuntu osejonge ukuthwalisenzima abalwa impi yenkululeko engafuni lokubalalela. Ethi wazama ukukhulumisana laye ngesikhathi ekubandla leZanu PF kodwa wala ukumbona okwakhokhelela ukuthi acine esexotshwa kulelibandla.

Okunye uMujuru athi kungaba kwabangela ukuthi uMugabe acabange ngendlela asecabanga ngayo ngalezi nsuku ngakutshelwa ngumkakhe uNkosikazi Grace Mugabe osamutshwa njalo ongayanga empini ngoba esalonkosikazi wakhe wakuqala, umuyi uNkosikazi Sally Mugabe kwakunganje.

XS
SM
MD
LG