amalinks wokungena

Breaking News

UNkosikazi Mhlaba Uthi Kunzima Ukukhulisa Abantwana eMelika


Nkosikazi Sibongile Mhlaba

Kuhlelo lwezizalwane zeZimbabwe ezihlala kwamanye amazwe, ngoLwesithathu sixoxe loNkosikazi Sibongile Mhlaba ofundisa ekolishini lemfundo ephezulu eNew York eUnited States.

UMhlaba oselesikhati eside ehlala eMelika uthi ukufundisa eMelika kuyehlukene kakhulu lalokho okwenziwa eZimbabwe.

“Ngingu lecturer ecollege lapho engifundisa khona izifundo ze World History. Kulomehluko omkhulu ukufundisa lapha kulekhaya ikakhulu nxa ngikhangela iHistory yeAfrica ngoba njengomuntu owake wafundisa eZimbabwe abafundi bakhona batshiyene kakhulu.

"Kulenkalakatha yomehluko ngoba abalapha iHistory yabo bandies ukukhangela okwabo kuthi-ke ezinye indawo zomhlaba kabaziqakathekisi njalo abafundi bakhona bacina bengela ibackground yezinye indawo.”

Uthi lokhu kwenza ukuthi abafundi bacine belahleka ezifundweni zabo njengoba bayabe sebefunda amagama lendawo abangakujayelanga.

Uphinde wathi ngaphandle kwalokho, kunzima ukukhulisa abantwana eMelika.

Uthi akwenzakali ukuthi abantwana abakhulela eMelika bafunde usiko lwakibo ngenxa yokuthi bahlangana labantu abanengi kakhulu ezikolo lakwezinye indawo.

UNkosikazi Mhlaba uthi bayake bezame ukubambisana lezihlobo labangane ekuzameni ukukhulisa abantwana kodwa konke lokhu kunzima.

Ingxoxo Esiyenze LoNkosikazi Sibongile Mhlaba
please wait

No media source currently available

0:00 0:03:19 0:00
Lapho esitholakala khona

XS
SM
MD
LG