amalinks wokungena

Breaking News

Unkosikazi Mujuru Kangenele Kuhlelo Lwe Indigenization - Chamber of Mines


Inhlanganiso yabemigodi iZimbabwe Chamber of Mines isicele umsekeli kamongameli welizwe uNkosikazi Joice Mujuru ukuthi amise uhlelo lwe indigenization olungabhidliza amankampani emazweni akwele Zimbabwe.

Inhlanganiso le ibikwa icela uNkosikazi Mujuru ukuthi atshele ibandla lakhe ukuthi abantu makhaza kabala mali yokuthenga amashares kumankampani la ngakho-ke loluhlelo kuzamele lwenziwe kancane-kancane kulokuthi lwenziwe ngesiphangi phangi njengalokho okufunwa yi ZANU PF.

Amankampani la aphiwe nguhulumende phose inyanga ezimbili ukuthi atsho ukuthi azathengisela njani uzulu amashares njalo lokuthi aqalise loluhlelo olumele luphele kungakadluli inyanga eziyisithupha.

Ingcwethi zenotho zithi aziboni kusenzakala ukuthi uNkosikazi Mujuru angenele kuloludaba ngoba lwenziwa libandla lakhe eselikhankasela ukhetho olungenziwa ngomnyaka ozayo.

Ingcwethi kwezokuthuthukisa izabelo uMnu. Liberty Bhebhe uthi lokhu okucelwa yi Chamber of Mines akusoze kwenzakale.

XS
SM
MD
LG