amalinks wokungena

Breaking News

UPence loHarris Bazangqikilana Kungxoxompikiswano Namuhla


Senator Kamala Harris and Vice President Mike Pence
Senator Kamala Harris and Vice President Mike Pence

Umsekeli kaMongameli Donald Trump, uMnu Mike Pence, lomsekeli kaMnu Joe Biden, uNkosikazi Kalama Harris, namuhla bazangqikilana kungxoxompikiswano efana laleyo eqhutshwe nguTrump loBiden kunsukwana ezedluleyo.

Ababili laba bakhangelelwe ukutshukana phezu kwendaba eziphatha umnotho welizwe, umkhuhlane weCovid-19 lokunye okutshiyeneyo.

Inkulumompikiswano kaTrump loBiden yatshiya uzulu ekhuza umhlola ngenxa yokufuthelana lokuthukana okwakukhona phakathi kwabo.

Le ekaMnu Pence loNkosikazi Harris iza ngesikhathi uMongameli Trump ehlaselwe ngumkhuhlane weCovid-19. UTrump uphume esibhedlela ngoMvulo lanxa nje engakapholisisi.

Lanxa kunjalo, uthi uzaphatheka kungxoxompikiswano yakhe yesibili loMnu Biden ngeviki ezayo.

Uthe ephuma esibhedlela uTrump watshela abantu ukuthi bengabowesaba umkhuhlane weCovid-19.

Isizalwane seZimbabwe esihlala eMelika uMnu Tim Muringai utshele iStudio 7 ukuthi ukubona kungaqondanga ukuthi uTrump aphume esibhedlela yena engakapholi.

please wait

No media source currently available

0:00 0:02:30 0:00

XS
SM
MD
LG