amalinks wokungena

Breaking News

Uphehle Inkulumo oweSouth Africa Onqabe Ukudekelwa Ukudla koWimpy ngoweZimbabwe


Ukudla okuthengiswa ekhefa lakoWimpy kweleSouth Africa.
Ukudla okuthengiswa ekhefa lakoWimpy kweleSouth Africa.

Lulokhe lusemilonyeni yabanengi udaba lomuntu othe uyisizalwane sakweleSouth Africa olobe enkundleni yeTwitter ukuthi wenqabe ukudekelwa ukudla ekhefa lakoWimpy yisisebenzi esivela eZimbabwe ngoba esithi inzalo yakwamanye amazwe ithathela izizalwane zaseSouth Africa imisebenzi.

Umuntu lo uthi ufune ukuphiwa ukudla yisisebenzi esizalwa kweleSouth Africa, khona athi kucine kusenzeka.

Uthe uphe isisebenzi lesi imali yesibongo, i-tip enengi njalo wakhuthaza abanye bakhe ukuthi belandele isibonelo sakhe.

Udaba lolu lusabalele enkundleni zokuxhumana ezifana leTwitter leFacebook, abanye bemsola kodwa abanye besithi ngempela abantu abavela kwamanye amazwe bathathela izizalwane zaseSouth Africa imisebenzi.

Umahlekisa uOliver Keith ulobe ekhasini lakhe leFacebook ukuthi usesungule isikhwama sokuncedisa owesifazana lo obizwa ngokuthi nguNomatter ukuthi athole usizo esebenzisa isihloko esithi #tipfornomatter.

UKeith uthi wethekelele koWimpy eClearwater khona eSouth Africa lapho isehlakalo lesi esenzakale khona wakhulumisana leziphathamandla zalindawo zamtshela ukuthi uNomatter uzathola usizo lokwelulekwa olwe-counselling.

Zithe njalo sezithethe amanyathelo okwenqabela isehlakalo esifanayo.

Olwela amalungelo abesifazana olilunga lenhlanganiso yeZim Imbokodo uNkosazana Victress Mathuthu utshele iStudio 7 ukuthi lanxa impilo ilukhuni ebantwini bokuza, ayisizo zonke izizalwane zakweleSouth Africa ezikhetha abanye ngobuzwe.

please wait

No media source currently available

0:00 0:02:45 0:00

XS
SM
MD
LG