amalinks wokungena

Breaking News

UPhugeni loZiyambi Bathuzene ePhalamende Phezu Kokukhethana Ngemihlobo


Zimbabwe Mugabe Flags Fly At Half Mast 2
Zimbabwe Mugabe Flags Fly At Half Mast 2

Kube lokufuthelana kudale leSenate ngoLwesibili phakathi kukamphathintambo wezemithetho uMnu Ziyambi Ziyambi loSenator weMDC-T uMnu Khaliphani Phugeni ngemva kokuba uZiyambi ethese uPhugeni icala lokuba lenkethabetshabi, i-tribalist.

Lokhu kwenzakale ngemva kokuba uPhugeni ebuze ukuthi kungani uMongameli Emmerson Mnangagwa elokhe engakakhethi umsekeli wakhe wesibili kulandela ukutshiya umsebenzi kukaMnu Kembo Mohadi ngoMbimbitho esetheswa amacala okuganga labafazi babanikazi.

UPhugeni uthe ukungagcwaliswa kwesikhundla sikaMohadi kutshiya uzulu weMatabeleland engemaluntu omelayo kuPresidium yeZanu PF lakuhulumende.

Uphinde wasola ukuguqulwa kwesisekelo sombuso okuzakwenza uMnangagwa abe lamandla okukhetha abasekeli bakhe hatshi ukuthi bavotelwe njengalokhu okwafakwa kusisekelo sombuso ekulotshweni kwaso nguzulu ngo2013.

UMnu Phugeni uthe inyathelo leli livimba abesifazana labemihlobo emilutshwana abafana laMaNdebele ukuthi labo bangene esikhundleni sikaMongaeli welizwe.

Lokhu kucunule uMnu Ziyambi wathi uPhugeni ayisiso sikhulumeli sabantu beMatabeleland lokuthi kumele atshiyane lemicabango elenkethabetshabi.

Lanxa uPhugeni engathandanga ukukhuluma ngaloludaba, sixoxe lomgcinisihlalo weMDC-T eMelika uMnu Den Moyo yena othi uyawasekela amazwi kaPhugeni.

please wait
Embed

No media source currently available

0:00 0:03:19 0:00

XS
SM
MD
LG