Usomabhizimusi wedolobho le Chicago ngapha kwele Melika ugwetshelwe ukuhlala ejele okwenyanga eziyisikhombisa ngemva kokutholakala elecala lokwenza umkhankaso wokuthi uhulumende weleMelika esule izijeziso zenotho ezafakelwa uMongameli Robert Mugabe labanye bakhe.
UMnu. Prince Asiel Ben Israel wayethenjiswe ukuphiwa imali engamadola ayizigidi ezintathu lengxenye, $3.4 million. Kodwa watshela umthethwandaba ukuthi waphiwa imali engamadola azinkulungwane ezifika phose ikhulu, $90 000.
UBen Israel wavuma lelicala emththwandaba kodwa omunye wakhe, uMnu. Gregory Turner uyalilandula lelicala njalo uthi uzacela umthethwandaba ukuthi ubize uMongameli Mugabe ukuthi azofakaza.
EleZimbabwe lethulelwa izijeziso zenotho ngomnyaka ka 2000 ngeleMelika lisithi uhulumende kamongameli Mugabe kumele alungisise udaba lwelungelo loluntu andubana lezizijeziso zekethiswe.
Ukuhlaziya loludaba uChris Gande weStudio Seven uxoxe lengcwethi ecubungula ezombusazwe, uMnu. Rejoyce Ngwenya ukuze sizwe imbono yakhe ngaloludaba.
