Umongameli Emmerson Mnangagwa usefikile eRussia emhlanganweni owokuqinisa ubudlelwano balelolizwe lamazwe akuzwekazi leAfrica owe Russia Africa Summit osungulwa ngoLwesithathu ugqitshwe ngoLwesine.
Ummeli wesigodlo seRussia eZimbabwe uMnu. Nikolai V. Krasilniko ubikwa esithi umhlangano lo uzanika eleZimbabwe ithuba lokuthuthukisa inhlelo ezigoqela ezokuthengiselana, amandla amagetsi, kanye lezomvikela.
Kusenjalo, iqula labosomabhizimusi abavela eChina libikwa liselizweni ngenhloso yokusungula umsebenzi lamanye amankampani elizweni kuhlelo lweSpecial Economi Zones, lapho okwakhethwa izigaba ezingasetshenziswa ukuthuthukisa ilizwe.
Izigaba lezi zitholakala emadolobheni abalisa iHarare, Mutare, Victoria Falls, Beitbridge, kanye lakoBulawayo lapho iqula leli elikhangelelwe ukufika khona ngoLwesithathu.
