amalinks wokungena

'Uqhubeke Esephula Amalungelo Oluntu Uhulumende Ngo2016'

  • Ntungamili Nkomo

Police quell Demonstrators

Abalwela amalungelo oluntu bathi uhulumende weZanu PF uqhubeke ehlukuluza uzulu lonyaka njalo engawahloniphi amalungelo oluntu.

Bathi ukubotshwa lokutshaywa kwabantu betshengisela ezitaladeni kuveze mgceke ukuthi uMongameli Mugabe kazimiselanga ukuwaqakathekisi amalungelo.

Izehlakalo zokuhlukuluzwa kukazulu lokwephulwa kwamalungelo akhe ngo2016 zigoqele ukubotshwa lokubotshwa kwamalunga emikhankaso etshiyeneyo egoqela iTajamuka/Sesijikile le#This Flag.

Isiphathamandla sebandla lePeople’s Democratic Party (PDP), uMnu. Edwin Ndlovu. utshele iStudio 7 ukuthi akulathemba lokuthi kungaba lenguquko kwezamalungelo oluntu ngomnyaka ozayo.

Amazwi kaNdlovu agcizelelwe yingcwethi kwezombusazwe, uMnu. Rejoice Ngwenya, othe ukwephulwa kwamalungelo abantu yiZanu PF kulakho ukudlondlobala ngamandla ngomnyaka ozayo.

“Umnyaka ka2017 weyame ukhetho, okutsho ukuthi sizabona ibandla leZanu PF lilola amahloka lezikhali zonke lihlukuluza uzulu ukuze alivotele,” kutsho uMnu. Ngwenya.

XS
SM
MD
LG