amalinks wokungena

Breaking News

URamaphosa Uthi Imingcele yeSouth Africa Izavulwa Ekuqaleni Kwenyanga Ezayo


Cyril Ramaphosa

Uhulumende weSouth Africa uthi uzavula imingcele yelizwe lakhe ekuqaleni kwenyanga ezayo ukwenzela ukuthi abantu bephume njalo bengene kulelolizwe, okungenye yemigoqo esixegiswa selokhu kwaqhamuka igciwane leCovid-19 ekuqaleni komnyaka, elabangela ukuvalwa kwendawo ezinengi.

Esethula umbiko wakhe izolo ntambama, uMongameli Cyril Ramaphosa uthe labo abangena elizweni lakhe kuzafanela babe lohlelo lweCovid Alert South Africa Mobile Application, bethwale amaphepha atshengisa ukuthi basanda ukuhlolwa iCoronavirus njalo batholakala bengelayo.

Abangahlolwanga emazweni abo phambilini kokungena eSouth Africa, bazahlaliswa bodwa bebhadalele indleko zabo kuma quarantine centres.

Wonke umuntu ongena kulelolizwe uzaqala ahlolwe leligcikwane, kuthi otholakala elempawu zalo ahlaliswe yedwa, abe ehlolwa-hlolwa njalo-njalo, isimo sakhe size sicace.

UMnu. Dennis Juru, isiphathamandla senhlanganiso elwela abathenga njalo bethengise impahla phakathi kweleSouth Africa lamanye amazwe agoqela eleZimbabwe, eye-International Cross Borders’ Association uthi bayajabula ngoba basebelobele uhulumende incwadi bekhalaza ukuthi imngcele ivulwe.

please wait

No media source currently available

0:00 0:03:11 0:00

Facebook Forum

XS
SM
MD
LG