amalinks wokungena

Breaking News

UReeva Steenkamp Wadutshulwa Ezama Ukuzivikela, Kutsho Umfakazi


U Oscar Pistorius engena emthethwandaba.

Ingcwethi kwezembhobho, ithi uReeva wadutshulwa emi njalo ezama ukuzivikela ngezandla zakhe hatshi ehlezi esambuzini njengalokhu okukhulunywa lijaha lakhe.

Ingcwethi kwezembhobho, uMnu. Christian Mangena uqhubeke efakaza kucala lwentombazana eyawabulawa lijaha layo kwele South Africa, uNkosazana Reeva Steenkamp ethula ubufakazi bokuthi luntombazana wadutshulwa emi njalo ezama ukuzivikela ngezandla zakhe hatshi ehlezi esambuzini njengalokhu okukhulunywa lijaha lakhe, u Oscar Pistorius.

Ngemva kobufakazi bukaMangena kufakaze ingcwethi kwezokucubungula igazi elicaphakeleyo, uMnu. Ian Van Der Nest, ogcizelele umbono kaMangena esithi uSteenkamp wadutshulwa ingalo zivala ubuso.

Ocine ukwethula ubufakazi nguMnu. Mike Sales oweza ngapha kweleMelika edinga ubufakazi bukamakhalekhukhwini ka Pistorius.

Akula okunengi okwatholakala kumakhalekukwini ka Pistorius ngaphandle kokuba wabukela imfanekiso yabantu ababesenza okwemacansini lokudinga imota ezithengiswayo kuphela ngoba okunengi wakucitsha.

Loludaba luzaqhubeka ngoMvulo.
XS
SM
MD
LG