amalinks wokungena

Breaking News

AmaRepublicans Anqoba AmaDemocrats Kukhetho


Umongameli Barack Obama

Ibandla lamaRepublicans linqobe ezigabeni ebezithenjwe ngelamaDemocrats ezigoqela eNorth Carolinea, Colarado, Maryland, Viriginia Iowa, leKansas.

Inengi lithi umbuso kamongameli Barack Obama ozaphela ngeminyaka emibili ezayo uzabalukhuni kulandela ukunqotshwa kwebandla lakhe lama Democrats ngelama Republicans kukhetho olokudinga amalunga e dale leCongress. Ukhetho lolu lubone amaRepublicans ethatha idale le senate alithathelwa ngomnyaka ka2006 ngamaDemocrats.

Amadale eSenate le House of Representatives, la engafananiswa lawe phalamende kanye lele senate kweleZimbabwe njalo kufanele kuvunyelwane ukuze izinqumo zibe ngumthetho. AmaRepublicans acina ukukhokhela idale leSenate ngomnyaka ka 2006.

Abanye bathi usekelo lukamongameli Obama seluncipha kukanti amalunga alelibandla abencintisa abengasafuni ukuthi azebakhankasela njengenjayelo.

Ibandla lamaRepublicans linqobe ezigabeni ebezithenjwe ngelamaDemocrats ezigoqela eze North Carolinea, Colarado, Iowa, Maryland, Virginia leKansas. Kukhangelelwe ukuqhutshwa ukhetho lwe run-off eLouisana ngenyanga ezayo.

Yena umongameli Obama uqoqe umhlangano lentathelizindaba ngoLwesithathu ntambama, njalo enxuse abanqobileyo kumabandla womabili ukuthi axoxisane labo ngoLwesihlanu esigodlweni sakhe seWhite House eWashington DC.

Ukuhlaziya loludaba, sixoxe loMnu. Dumaphi Mema, ingcwethi ecububungula ezombusazwe, njalo ovotileyo kulolukhetho ngoba eseyisizalwane seMelika.

UMnu. Mema utshele uSithandekile Mhlanga weStudio 7 ukuthi kujwayelekile ukuthi ibandla elibusayo linqotshwe nxa selikuhlandla lesibili lombuso njalo lokhu akutsho ukuthi umongameli Obama wehlulekile ukubusa.

Ingxoxo LoMnu. Dumaphi Mema
please wait

No media source currently available

0:00 0:02:36 0:00
Lapho esitholakala khona

XS
SM
MD
LG