amalinks wokungena

Breaking News

IZimbabwe Iphiwa $60million Yokulwisana Lengculaza

  • Sithandekile Mhlanga

US ambassador to Zimbabwe Bruce Wharton

UMnu. Henry Madzorera uncome eleMelika ngalelinyathelo wathi uhulumende weZimbabwe laye usebenza gadalala ukulwisana lomkhuhlane wengculaza

Uhulumende weMelika uphe eleZimbabwe izigidi ezingamatshumi ayisithupha zamadollar-$60 million ezaphathisa kunhlelo zokuncedisa abesifazana abaphila legcikwane elibangela umkhuhlane wengculaza ele H-I-V ukuthi bengalitheleli abantwababo nxa bebeletha.

Emkhosini oqhutshelwe eHarare ngolweSithathu, ummeli weMelika eZimbabwe, uMnu. Bruce Wharton uthe inhlanganiso ye Families and Communities for the Elimination of Pediatric HIV in Zimbabwe kanye lezinye zizakwaba lesisikhwama.

Umphathintambo wezempilakahle uMnu. Henry Madzorera uncome eleMelika ngalelinyathelo wagcizelela ukuthi uhulumende weZimbabwe laye usebenza gadalala ukulwisana lomkhuhlane wengculaza.

UMnu. Obert Banda, olwela amalungelo abantu abaphila legcikwane lengculaza utshele uSithandekile Mhlanga we Studio 7 ukuthi linyathelo elihle elithethwe nguhulumende we Melika njalo kufanele inhlanganiso ezinengi ezizimeleyo lazo zinxuswe ukupha imbono yazo ngokwabiwa kwalimali.

please wait

No media source currently available

0:00 0:01:56 0:00
Lapho esitholakala khona
XS
SM
MD
LG