amalinks wokungena

Breaking News

Useqalile Umhlangano Omkhulu oweAfrican Regional Forum


Aerial view of one of the seven wonders of the world, Victoria Falls, June 24, 2019. (C. Mavhunga/VOA)

Usuqalile umhlangano omkhulu ohlolisisa inhlelo ezitshiyeneyo kuzwekazi leAfrica owe weAfrican Regional Forum on Sustainable Development. Omunye walabo abasemhlanganweni lo eVictoria Falls nguNkosazana Amina Mohammed, umsekeli kasibalukhulu wenhlanganiso yamazwe omhlaba wonke jikelele eyeUnited Nations.

Okunye okuxoxwe emhlanganweni lo ngokuhambelana lezifundo zeScience, Technology, Engineering leMathematics ezilakho ukuthuthukisa izwekazi leAfrica lamanye amazwe.

Usikhwicamfundo Amon Murwira, obona ngezemfundo zemakolotshini, uthe kuqakathekile ukuba abantwana bafundiswe izifundo lezi okungenza ilizwe leZimbabwe lithuthuke ngemfanelo. UMongameli Emmerson Mnangagwa ubekhangelelwe ukuthi uzakwethula umbiko wakhe oqakathekileyo namuhla emhlanganweni lo.

Abatsha labo benza imihlangano embalwa egoqela obizwa ngokuthi yiAfrican Youth Engagement Forum lapho abakhuthazana ukuba baphatheke kwezenthuthuko.

IAfrican Regional Forum on Sustainable Development ngumbuthano wenhlangothi zabohulumende abatshiyeneyo oqoqwa yiAfrican Union Commission, ibhanga leAfrican Development Bank, umanyano weUnited Nations, abamele inhlanganiso ezizimele zodwa lapho okukhulunywa ngokubhekane labantu emhlabeni wonke jikelele kwezempilakahla, ezentuthuko lokunye.

Umhlangano lo uqhutshwa lonyaka ngaphansi kwesihloko esithi ‘2020-2030: A Decade to Deliver a Transformed and Prosperous Africa through the 2030 Agenda and Agenda 2063’.

Omunye wabasemhlanganweni lo nguNkosazana Hlengiwe Mthethwa othi uyajabula ngokwethulwe ngabanye bakhe emhlanganweni lo.

“Into engijabulisayo ngalomhlangano yikuthi kukhanya baqakathekisa ukuthi sokumele sitshintshe indlela esisebenza ngayo."

UNkosazana Mthethwa uphinde waphatha udaba lwezemfundo zeScience, Technology, Engineering leMathematics, esithi uyavumelana lokwethulwe nguSikhwicamfundo Murwira.

“Sekumele siguqule indlela abadala ababesebenza ngakhona, sinanzelele ukuthi iScience leTechnology yikho okungathuthukisa amazwe ethu."

Ingxoxo Esiyenze LoHlengiwe Mthethwa
please wait

No media source currently available

0:00 0:01:28 0:00

Omunye njalo olombono ofanayo nguMnu. Rejoice Ngwenya, oyingcwethi kwezomnotho ezimele yodwa. UNgwenya uthi umhlangano lo, uqakathekile lokuphumayo kumele kungapheleli emlonyweni.

Uphinde wathi uSikhicamfundo Murwira uqinisile nxa ezithi kuqakathekile ukwenza izifundo zeScience, Engineering leMathematics.

Ingxoxo Esiyenze LoRejoice Ngwenya
please wait

No media source currently available

0:00 0:01:33 0:00

Umhlangano lo oqhale namuhla eVictoria Falls, uzagqitshwa ngoLwesine.

Facebook Forum

XS
SM
MD
LG